--Ads--
VIGAN CITY- Umaboten iti 1.623 bilyon a pisos iti pakabuklan a nadadael iti benneg ti agrikultura ken fishery iti probinsiya gapu ti panagduprak ti Bagyo Ompong idi napan a lawas ta isu iti rimuwar iti assessment ti provincial agriculture officer Tante Botacion manipud kadagiti naduma-duma nga ili ken syudad iti probinsiya.
Kinuna ni Botacion nga adda dagiti sumagmamano nga adda pay laeng naapit da ngem man-manu da laengen ta iti kaaduan ket awan pulosen iti naapit da, nangruna dagiti pagay da ket adda pay laeng iti flowering maturity stage ta ti kapigsa ti angin na nga epekto ti bagyo ket naiyangin dagiti agrusrusing a pollen dagiti pagay.
