Naala iti 1.5 a gramo iti maatap a shabu kadagiti dua a drug suspek iti naisayangkat a buy-bust operation idiay Zone 6, Bantay, Ilocos Sur itay malem, August 16, 2026.
Dagiti suspek ket lalaki nga agtawen iti tallopulo ket innem ken awanan ti trabaho; ken lalaki nga agtawen iti duapulo ket walo, tricycle driver nga agpada nga agnaed iti siudad ti Vigan.
Iti naisayangkat nga operasyon ket nakemmeg dagiti suspek ken naala manipod kadakuada ti drug evidence a 1.5 a gramo iti maatap a shabu nga aggatad iti P10,200 a naipan iti innem a piraso iti heat-sealed transparent plastic sachets a nagserbi a buy-bust item ken possession.
Naala pay kadakuada ti non-drug evidence a maysa a piraso iti genuine P1,000 a nagserbi a buy-bust money; coin purse; yellow paper; bassit a papel; glass tooter; orange lighter; cellphone; ken maysa a black Kawasaki Barako tricycle.
