Posible a rugian ti Department of Agriculture iti maudi a lawas ti Mayo wenno umuna a lawas ti Hunyo ti P53 a Suggested Retail Price kadagiti lokal a bagas iti intero a pagilian.
Segun ken ni DA Assistant Secretary Genevieve Guevarra, awan ti nasken a pagdanagan dagiti retailer ti bagas ta ti P53 nga SRP ket agserbi a tarabay laeng para kadagiti konsyumer, saan a kas iti P50 price cap iti 5 percent broken imported rice a mandatory.
Innayonna nga umanamong ken P53 nga SRP met laeng ti singasing dagiti mannalon ken industria tib agas a nakapatangda isu a sigurado nga awan ti malugi.
Inlawlawag ti ahensia a nabayaganda iti panangiruar iti nasao nga SRP ta kapatpatangda pay laeng dagiti dadduma nga stakeholder tapno masigurado a naurnos ken mayannatup kadagiti konsyumer ken retailer ti nasao nga SRP.
