Kinumpirmaran ni Sen. Sherwin Gatchalian nga adda pay iti P182.8 billion iti gobierno tapno papigsaen dagiti addang iti panagtignay ken rehabilitasion dagiti nadadael gapu iti naglabas a didigra.
Maibasar ti listaan manipod ti opisina ti senador, karaman ti 2025 national budget ti P7 billion balace manipod National Disaster Risk Reduction and Management Fund, P6.4 billion manipod Quick Response Fund ken P287 million a pondo para ti Disaster Response Operations ti Office of Civil Defense.
Malaksid dayta ket adda nabatbati a P15 billion iti Local Government Support Fund, P12 billion iti Contingent Fund, ken P141 billion iti Unprogrammed Appropriations iti salinong ti Strengthening Assistance for Government Infrastructure and Social Programs.
Para met iti 2026 national budget, gagem ni Gatchalian kas chairman ti Senate Committee on Finance a nayonan ti pondo para kadagiti ahensya a mangidaulo iti post-disaster reconstruction.
Karaman dayta iti pannakaipatakder manen dagiti classroom, pannakasimpa dagiti historical structure kas kadagiti daan a simbaan a nadadael iti ginggined ken pabalay kadagiti naawanan iti pagtaengan.
