VIGAN CITY – Pito a pagadalan iti DepEd Division of Vigan ti aglukat para iti limited face-to-face classes inton March 28.
Dagiti pagadalan ket pakairamanan ti Ayusan Elementary School, Paoa Elementary School, Bulala Elementary School, Paratong Elementary School, Vigan National High School idiay Bulala, Camanggaan Elementary School, Governor Evaristo Singson Memorial School, Nagsangalan Elementary School, ken San Julian Elementary School.
Sumarunonto met inton April 4 dagiti sangapulo ket dua a pagadalan a pakairamanan ti Burgos Memorial School(East ken West), Capangpangan Elementary School, Jose Singson Elementary School, Mindoro Elementary School, Pantay Elementary School, Raois Elementary School, Rugsuanan Purok Elementary School, Salindeg Elementary School, Pong-ol Elementary School, Barraca Elementary School, Tamag Elementary School, Vigan Central School ken Vigan National High School East iti Barangay Nagsangalan.
Inton April 11 ket isu ti naituding a panaglukat para iti limited face-to-face classes ti Ilocos Sur National High School.
Iti agdama, ti pay laeng Cabaroan-Cabalangegan Elementary School ti nakaisayangkat iti face-to-face classes.
