Pannakatay ti maysa a babai iti maysa nga hotel, maim-imbestigaran

VIGAN CITY – Maysa a babai a taga-Abra ti nasarakan nga awan biagna iti maysa a hotel iti Brgy II, Vigan City.

Segun iti nobyo ti biktima nga agnaed met laeng idiay Abra, napan da iti nadakamat nga hotel tapno aginana ket kalpasan iti panagnaigda, napan nagdigos ti biktima sa naturog.

Simmaruno a napan nagbuggo ti lalaki  idin ta nangngegna ti napigsa nga urok ti nobiana ket idi napanna kinita, saanen a mariing.

Insigida a nagpaarayat ti lalaki kadagiti staff ti nasao nga hotel isu a dagusda met a nagpaarayat iti City Health Office.

Pinadasda nga isalakan ti biktima ngem naideklaran  natay babaen ti attending physicianna.

Nupay kasta, naipakaammon iti pamilya ti biktima ti napasamak ken agtultuloy ti imbestigasyon.